काठमाडौँ । सुदूरपश्चिम प्रदेशमा हालै ६ हजारभन्दा बढी नयाँ मतदाता सूचीकृत भएका छन्। सुदूरपश्चिम प्रदेश निर्वाचन कार्यालय, धनगढीका अनुसार असोज १० देखि कात्तिक १७ सम्मको अवधिमा कुल ६ हजार २१२ जना नयाँ मतदाता नामावलीमा सूचीकृत भएका हुन्।
थपिएका मतदातामध्ये ४ हजार ८३ पुरुष, २ हजार १२७ महिला र दुई जना अन्य छन्। जिल्लागत विवरणअनुसार कैलालीमा १ हजार ८४८ जना, कञ्चनपुरमा १ हजार ५९३ जना, अछाममा ६२५ जना, बझाङमा ५४२ जना, बैतडीमा ४४८ जना, बाजुरामा ३४३ जना, डोटीमा २४५ जना र डडेलधुरामा १९१ जना नयाँ मतदाता थपिएका छन्।
निर्वाचन आयोगले अध्यादेशमार्फत मतदाता नामावली सङ्कलन र अद्यावधिकको म्याद कात्तिक ३० गतेसम्म कायम गरेको छ। यस अवधिभित्र १८ वर्ष उमेर पूरा गरी नागरिकता प्राप्त गरेका तर नामावलीमा नाम नसमेटिएका नागरिकहरूले आफ्नो नाम दर्ता गराउन सक्नेछन्।
