काठमाडौँ । देशका विभिन्न स्थानमा सञ्चालन गरिएको नियमित प्रहरी गस्तीका क्रममा २३ जना लागुऔषधसहित पक्राउ परेका छन्।
केन्द्रीय प्रहरी समाचार कक्षका अनुसार सबैभन्दा धेरै काठमाडौँबाट ११ जना पक्राउ परेका छन् भने झापाबाट छ र चितवनबाट दुई जना नियन्त्रणमा लिइएका छन्।
त्यस्तै सिरहा, उदयपुर, दाङ र कैलालीबाट एक–एक जनालाई पक्राउ गरिएको छ। पक्राउ परेकाहरूको साथबाट विभिन्न प्रकारका लागूऔषध र नियन्त्रित औषधिजन्य पदार्थ बरामद गरिएको प्रहरीले जनाएको छ।
