काठमाडौं । नेपाली कांग्रेसको ने शेरबहादुर देउवा र डा. शेखर काेइराला समूहले आज (बिहीबार) आयोजना गर्ने भनिएको जिल्ला सभापतिहरूको भेला स्थगित भएको छ ।
विशेष महाधिवेशनको विपक्षमा रहेका नेताहरूको धुम्बाराही बैठकले सभापतिहरूको जिल्ला भेला स्थगित गरेको हो ।
निवर्तमान कार्यवाहक सभापति पूर्णबहादुर खड्काले १४ औं महाधिवेशनबाट निर्वाचित पदाधिकारी र केन्द्रीय सदस्यहरूको दुई दिने बैठक बोलाएका थिए ।
बैठकले तत्कालका लागि जिल्ला सभापतिहरूको भेला स्थगित गरेको नेताहरूले जानकारी दिएका छन् । आज (बिहीबार) जिल्ला सभापतिहरूको भेला बोलाइएको थियो ।
इतर समूहको फरक ढंगले गतिविधि अघि बढाउने भन्दै तत्कालका लागि भेला स्थगित गरिएको धुम्बाराही बैठकमा सहभागी नेताहरूको भनाइ छ ।
यसअघि सभापति गगन थापा समूहले अनुशासन समितिको बैठक बसेर भिन्नै गतिविधी नगर्न देउवा–शेखर समूहलाइ सचेत गराएकाे तथा सर्वोच्च अदालतमा पार्टीको आधिकारिताका विषयमा २२ चैतमा तोकिएको पेसीलाई समेत मध्यनजर गर्दै भेला स्थगित गरिएको एक नेताले प्रतिक्रिया दिए ।
उनले थप आन्तरिक छलफल गरेर जिल्ला सभापति भेला तथा बारे आगामी रणनितीबारे निर्णय गरिने जानकारी दिए ।
