काभ्रे
एक्सप्रेस बचत तथा ऋण सहकारी संस्थाले यहि २०८२ भाद्र २३ गते संस्थाको कार्यालय भवनमा सत्रौ बार्षिक साधारणसभा तथा स्थापना दिवस सम्पन्न गरेको छ ।
संस्थाका अध्यक्ष ईश्वर के.सी. को सभापतित्वमा संचालक समिति, लेखा तथा सुपरिवेक्षण समिति तथा विभिन्न उपसमितिहरु, कर्मचारी वर्ग र सदस्यहरुको उपस्थितीमा सौहार्द वातावरणमा सदस्यहरुसँग छलफल तथा अन्तरक्रिया गर्दै संस्थाले आफ्नो १७ औं बार्षिक साधारणसभा तथा स्थापना दिवस सम्पन्न गरेको हो ।
संस्थाका सचिव उद्धव प्रसाद तिमल्सिनाले आ.व. २०८२/०८३ को लक्ष्य सहितको आ.व. २०८१/०८२ को सचिवको प्रतिबेदन र कोषाध्यक्ष प्रेम कुमार लामाले आ.व. २०८१/०८२ को बार्षिक बजेट सहित आ.व. २०८१/०८२ को वित्तिय विवरण र लेखा परिक्षण प्रतिबेदन प्रस्तुत गरेका थिए ।
त्यसैगरि लेखा तथा सुपरिवेक्षण समितीका संयोजक पुजन श्रेष्ठले लेखा समितीको प्रतिबेदन प्रस्तुत गरेका थिए ।
संस्थाका अध्यक्ष तथा कार्यक्रमका सभापति ईश्वर के.सी.ले आफ्नो मन्तब्य राख्दै एक्सप्रेस साकोसप्रति सदस्यहरुले देखाउनु भएको माया, विश्वास र सद्भावले गर्दा नै आज एक्सप्रेस साकोस सदस्यहरुको माझमा पहिचान सहितको सहज, सरल र सुरक्षित संस्था भएर आफ्नो विश्वास कायम गर्न सकेकोप्रति सम्पुर्ण सदस्यहरु, सरोकारवाला निकाय, शुभचिन्तक महानुभावहरु सबैलाई हार्दिक आभार ब्यक्त गरेका थिए । अध्यक्ष के.सी.ले ऐन–नियम र विनियमको परिधीमा रहि स्तरीय र दिगो संस्थाको रुपमा सदस्यहरुलाई केन्द्रमा राखी पुर्ण जिम्मेवारी र जवाफदेहिताका साथ सदस्य माझमा कार्य गर्ने प्रतिबद्धता जनाए । संस्थाका अध्यक्ष के.सी.ले अब संस्थालाई आकारमा ठुलो बनाउँने भन्दा पनि सदस्यहरुको माझमा स्वस्थ र सुरक्षित संस्थाको रुपमा पहिचान कायम गरि सहकारीका मुल्य,मान्यता र सिद्धान्तलाई परिपालना गर्दै राज्यद्धारा निर्देशित ऐन कानुनको दायरमा रहि संस्थालाई जिवन्तता प्रदान गर्नु नै मुल उद्देश्य हो जसको लागि एक्सप्रेस साकोस सदैव प्रयासरत रहेको बताए ।
एक्सप्रेस साकोसले स्थानीय संस्थाको रुपमा आफ्ना सदस्यहरुको माझमा विश्वास र सद्भावको वातावरण सृजना गरि सरल, सहज र सुरक्षित संस्थाको रुपमा परिचय बनाउँनका लागि सदस्यहरुको उल्लेख्य भुमिका रहेको प्रति संस्थाका प्रमुख कार्यकारी अधिकृत अरुण थापाले कृतज्ञता ब्यक्त गरेका थिए । भने प्रमुख कार्यकारी अधिकृत थापाले आफ्नो प्रतिबद्धता सहितको मन्तब्य राखेका थिए ।
संस्थाको आ.व. ०८१/०८२ को अन्त्यसम्म कुल सम्पत्ति तथा दायित्व रु.१७,३६,३३,८२७।५९ बराबरको रहेको छ । संस्थामा शेयर प७त्रगयतसँजी १,७७,६८,८००।०० रहेको छ ।
पल्र्स रिपोर्ट अनुसार संस्थामा ३३.५२% तरलता ब्यबस्थापन रहेको छ भने संस्थागत पुजीँ १४.७६% देखिन्छ । संस्थाको बाह्य सापटी शुन्य रहेको छ भने यस आ.व.मा संस्थाले संचालन मुनाफा रु.४८,४१,४६५।६३ गर्न सफल भएको छ । संस्थाले जगेडा लगाएत अन्य कोष हिसावहरुमा आ.व. को अन्यसम्ममा रु. ३,३४,९६,३३३।४२ निर्माण गर्न सफल भएको छ । संस्थाले आ.व. २०८१/०८२ मा विभिन्न शिर्षक मार्फत राज्यकोषलाई २०,२६,२५८।८० बराबरको कर योगदान गरेको छ ।
