काठमाडौँ । नेपाल स्टक एक्सचेञ्ज (नेप्से) परिसूचकमा आज दोहोरो अङ्कको सुधार देखिएको छ। परिसूचक १३.५१ अङ्कले बढेर २८१२.३४ बिन्दुमा पुगेको छ।
आज ३४० कम्पनीका ३ करोड ४८ लाखभन्दा बढी कित्ता शेयर एक लाख ६ हजारभन्दा बढी कारोबारमार्फत किनबेच हुँदा कुल कारोबार रकम १२ अर्ब ३ करोड रुपैयाँभन्दा बढी पुगेको छ।
समूहगत रूपमा बैंकिङ, विकास बैंक, जलविद्युत्, लगानी, उत्पादन तथा प्रशोधन र म्युचुअल फन्ड समूह उकालो लागेका छन् भने वित्त, होटल तथा पर्यटन, बिमा, लघुवित्त, व्यापार लगायतका समूह घटेका छन्।
रिलाइन्स स्पिनिङ मिल्स र सोलु हाइड्रोपावरको शेयर मूल्यमा पोजिटिभ सर्किट लागेको छ भने एनआइसी एसिया ग्रोथ फन्ड–२ सबैभन्दा बढी ४.७४ प्रतिशतले घटेको छ।
कारोबार रकमका आधारमा रिदी पावर अग्रस्थानमा रहँदा, कारोबार संख्या अनुसार शिवश्री हाइड्रोपावर शीर्षमा देखिएको छ।
